News One Thrissur
Updates

മൂന്നുപീടികയിൽ തെരുവുനായ് ആക്രമണം, നാല് പേർക്ക് കടിയേറ്റു

കയ്‌പമംഗലം: മൂന്നുപീടിക സെൻ്ററിൽ തെരുവുനായയുടെ ആക്രമണം. സെൻ്ററിലൂടെ നടന്നുപോവുകയായിരുന്ന നാല് പേർക്ക് നായയുടെ കടിയേറ്റു. ഞായർ വൈകീട്ട് ആറ് മണിയോടെയാണ് സംഭവം. സെൻ്ററിന് കിഴക്ക് ഭാഗത്തുള്ള ഇരിഞ്ഞാലക്കുട ബസ് സ്റ്റോപ്പിലാണ് ആദ്യം നായ ആളുകളെ ആക്രമിച്ചത്. ഇവിടെ ഉണ്ടായിരുന്ന ഇരിഞ്ഞാലക്കുട സ്വദേശി ലീന, മകൻ ഇമ്മാനുവൽ, പാലക്കാട് സ്വദേശി രാജേഷ് എന്നിവർക്കാണ് കടിയേറ്റത്, ഇതിന് ശേഷം ടൗണിലൂടെ വടക്ക് ഭാഗത്തേക്ക് ഓടിയ നായ അറവുശാല സെൻ്ററിൽ വെച്ച് കയ്‌പമംഗലം സ്വദേശിയായ വിഷ്ണുവിനെയും ആക്രമിച്ചു. നാല് പേരെയും ഇരിഞ്ഞാലക്കുട താലൂക്ക് ആശുപത്രിയിൽ പ്രവേശിപ്പിച്ചു. നാല് പേർക്കും സാരമായി മുറിവേറ്റ നിലയിലാണ്. പെരിഞ്ഞനം ഫസ്റ്റ് എയ്ഡ് ആംബുലൻസ് പ്രവർത്തകരാണ് പരുക്കേറ്റവരെ ആശുപത്രിയിൽ എത്തിച്ചത്. മൂന്നുപീടികയിലും പരിസരപ്രദേശങ്ങളിലും ഈയിടെയായി തെരുവുനായയുടെ ശല്യം വർധിച്ചുവരുന്നതായി നാട്ടുകാർ പറയുന്നു, പഞ്ചായത്ത് അധികൃതർ എത്രയും വേഗം നടപടി സ്വീകരിക്കുമെന്നും നാട്ടുകാർ ആവശ്യപ്പെട്ടു

Related posts

പഴുവിൽ തീർത്ഥകേന്ദ്രത്തിലെ ഊട്ടു തിരുനാൾ തുടങ്ങി

Sudheer K

മുല്ലശ്ശേരിയിൽ തർക്കത്തിനിടെ യുവാവിന് പരിക്കേറ്റ സംഭവം: രണ്ടുപേർ അറസ്റ്റിൽ.

Sudheer K

കാരമുക്ക് ചിദംബര ക്ഷേത്രത്തിലെ കാവടി മഹോത്സവം വർണാഭമായി.

Sudheer K

Leave a Comment

error: Content is protected !!