ന്യൂദൽഹി: വാഹനങ്ങളുടെ പുകപരിശോധന സർട്ടിഫിക്കറ്റുകളുടെ കാലാവധിയിൽ വലിയ മാറ്റവുമായി കേന്ദ്ര റോഡ് ഗതാഗത മന്ത്രാലയം. വാഹനങ്ങളുടെ പഴക്കം, വിഭാഗം എന്നിവ കണക്കിലെടുത്താണ് പുതുക്കിയ ചട്ടങ്ങൾ വിജ്ഞാപനം ചെയ്തത്. നവംബർ 13ന് വിജ്ഞാപനം ചെയ്ത ചട്ടപ്രകാരം ബിഎസ് 6 വാഹനങ്ങൾക്ക് പുകപരിശോധന സർട്ടിഫിക്കറ്റിന് മൂന്ന് വർഷംവരെ കാലാവധി ലഭിക്കും. വാഹനം ആദ്യമായി രജിസ്റ്റർ ചെയ്ത തീയതിയെ അടിസ്ഥാനമാക്കിയാണ് പഴക്കം നിശ്ചയിക്കുക.
