അന്തിക്കാട്: നിരോധിത ഇനത്തിൽപ്പെട്ട തത്തയെ വീട്ടിൽ വളർത്തിയതിന് വീട്ടമ്മയ്ക്കെതിരെ കേസ്. അന്തിക്കാട് കല്ലിട വഴിക്കു സമീപത്തെ വീട്ടിലാണ് നിരോധിത ഇനത്തിൽ പ്പെട്ട കാട്ടുതത്തയെ അനധികൃതമായി വളർത്തുന്നതായി ഫോറസ്റ്റ് അധികൃതർക്ക് വിവരം ലഭിച്ചത്. തുടർന്ന് നടത്തിയ പരിശോധനയിലാണ് തത്തയെ വീട്ടിൽ നിന്നും കണ്ടെത്തിയത്. വനം വകുപ്പ് ഫ്ലൈയിംഗ് സ്ക്വാഡിന്റെ നേതൃത്വത്തിൽ തത്തയെ പിടികൂടുകയും വിട്ടമ്മയ്ക്ക് എതിരെ കേസെടുക്കുകയും ചെയ്തു. തത്തയെ പിന്നിട് വനം വകുപ്പ് അധികൃതർ കൊണ്ടുപോയി.
