News One Thrissur
Updates

ഓട്ടോറിക്ഷ ഇടിച്ച് വയോധികൻ മരണപ്പെട്ട സംഭവം; നിർത്താതെ പോയ ഓട്ടോറിക്ഷാ ഡ്രൈവർ അറസ്റ്റിൽ

തൃശ്ശൂർ: വെള്ളിക്കുളങ്ങര മൂന്നുമുറി പെട്രോൾ പമ്പിനടുത്ത് വെച്ച് കഴിഞ്ഞ ദിവസം കൊടകര കോടാലി റോഡ് ക്രോസ് ചെയ്ത അവിട്ടപ്പള്ളി സ്വദേശി ആട്ടോക്കാരൻ വീട്ടിൽ ദേവസി (68) യെ ഓട്ടോ ഇടിച്ചതിന് ശേഷം നിർത്താതെ പോവുകയും അപകടത്തിൽ ഗുരുതര പരിക്കേറ്റ ദേവസി മരണപ്പെടുകയും ചെയ്ത സംഭവത്തിൽവെള്ളിക്കുളങ്ങര പോലീസ് എടുത്ത കേസിൽ പ്രതി മറ്റത്തൂർ നന്ദിപ്പാറ സ്വദേശി വടക്കൂട്ട് വീട്ടിൽ വിഷ്ണു (28) വിനെ തൃശ്ശൂർ റൂറൽ പോലീസ് സംഘം അറസ്റ്റ് ചെയ്തതു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.

റോഡ് ക്രോസ് ചെയ്യുന്നതിനിടെ വിഷ്ണു ഓടിച്ച് ഓട്ടോറിക്ഷ ദേവസിയെ ഇടിച്ച് തെറിപ്പിക്കുകയായിരുന്നു. സംഭവത്തിന് ശേഷം അപകടത്തിൽ പരിക്കു പറ്റിയ ദേവസിക്ക് വൈദ്യസഹായം നൽകാതെ വാഹനം നിർത്താതെ ഓടിച്ച് പോവുകയും പിന്നീട് ഒളിവിൽ പോവുകയുമായിരുന്നു. ദേവസി പിന്നീട് തൃശൂർ ജൂബിലി മിഷൻ ആശുപത്രിയിൽ ചികിത്സയിലിക്കെ മരണപ്പെടുകയും ചെയ്തു.

സ്റ്റേഷൻ റൗഡി ലിസ്റ്റിൽ പേരുള്ള വിഷ്ണു വെള്ളിക്കുളങ്ങര, കൊടകര, പുതുക്കാട് പോലീസ് സ്റ്റേഷനുകളിലായി വധശ്രമം, അടിപിടി, മയക്കു മരുന്ന് കച്ചവടം, മയക്ക് മരുന്ന് ഉപയോഗം, ലഹരിക്കടിമപ്പെട്ട് പൊതു സ്ഥലത്ത് പൊതുജനങ്ങളെ ശല്യം ചെയ്യൽ, പൊതു സ്ഥലത്ത് പരസ്യ മദ്യപാനം എന്നീ കുറ്റകൃത്യങ്ങൾക്ക് 12 ക്രിമിനൽ കേസുകളിലെ പ്രതിയാണ്.

Related posts

കുന്നംകുളത്ത് വൻ ചീട്ടുകളി സംഘം പിടിയിൽ; 10 ലക്ഷം രൂപയും പിടി കൂടി.

Sudheer K

പാവറട്ടിയിൽ ഡോ. എ അയ്യപ്പൻ സ്മൃതി സംഘടിപ്പിച്ചു

Sudheer K

ചിറക്കൽ പുതിയ പാലം നാളെ ഗതാഗതത്തിന് തുറന്നു കൊടുക്കും.

Sudheer K

Leave a Comment

error: Content is protected !!