തൃശ്ശൂർ : തൃശ്ശൂർ ജില്ലയിലെ പൂമല ഡാമിലെ ജലനിരപ്പ് സംഭരണശേഷിയോട് അടുത്തുകൊണ്ടിരിക്കുന്ന സാഹചര്യത്തിൽ ഡാമിൽ നിന്നുമുള്ള അധികജലം പുറത്തേക്ക് ഒഴുക്കിവിടാൻ ജില്ലാ ദുരന്തനിവാരണ അതോറിട്ടി ചെയർപേഴ്സൺകൂടിയായ ജില്ലാ കളക്ടർ അനുമതി നൽകി. നിലവിൽ (ജൂൺ 8, രാവിലെ 10.30) 27.6 അടിയിലെത്തിയ ജലനിരപ്പ് 28 അടിയിൽ അധികരിക്കുമ്പോൾ ആവശ്യമായ മുന്നറിയിപ്പുകൾ നൽകി രാവിലെ പത്തിനും വൈകിട്ട് നാലിനും ഇടയിൽ ഷട്ടറുകൾ തുറക്കാനാണ് അനുമതി നൽകിയിട്ടുള്ളത്.
