തൃപ്രയാർ: നാലമ്പല ദർശനത്തിന് എത്തിയ തീർത്ഥാടകരെ കൊണ്ട് തൃപ്രയാർ ക്ഷേത്ര പരിസരം വീർപ്പ് മുട്ടി. ആയിരക്കണക്കിന് ഭക്തരാണ് ഞായറാഴ്ച ക്ഷേത്രത്തിൽ ദർശനത്തിനെത്തിയത്. തീർത്ഥാടകരുടെ നിര പോളി ജംഗ്ഷൻ വരെ നീണ്ടു. വാഹനങ്ങളും പാർക്കിംഗിനായി പാടു പെട്ടു. രാമായണ മാസം ആരംഭിച്ച ശേഷം ആദ്യമായാണ് ക്ഷേത്രത്തിൽ ഇത്രയും തിരക്കു അനുഭവപ്പെടുന്നത്. മണിക്കൂറുകൾ വരിനിന്നാണ് ഭക്തർ ദർശനം നടത്തിയത്. തൃപ്രയാർ ക്ഷേത്രത്തിനു പുറമെ കുടൽമാണിക്യം ഭരത ക്ഷേത്രം, മൂഴിക്കുളം ലക്ഷ്മണ ക്ഷേത്രം, പായമ്മൽ ക്ഷേത്രം എന്നിവടങ്ങിലും ദർശനം നടത്തിയിലാണ് നാലമ്പല ദർശനം പൂർത്തിയാകുക.
