തൃപ്രയാർ: പീപ്പിൾസ് ഫൗണ്ടേഷന്റെ നേതൃത്വത്തിൽ ഡിസംബർ 24 മുതൽ ജനുവരി 3 വരെ നാട്ടിക ബീച്ചിൽ സംഘടിപ്പിക്കുന്ന നാട്ടികോത്സവ് 2K26–27 ന്റെ ലോഗോ പ്രകാശനം നടൻ മോഹൻലാൽ നിർവഹിച്ചു.
നാട്ടികോത്സവ് നാടിന്റെ സാംസ്കാരിക ഔന്നത്യത്തിനും ജനങ്ങളുടെ കൂട്ടായ്മയ്ക്കും ഐക്യത്തിനും വഴിയൊരുക്കുന്ന മഹത്തായ വേദിയായി മാറട്ടെയെന്നും അദ്ദേഹം ആശംസിച്ചു.
ചടങ്ങിൽ ചെയർമാൻ സലീഷ് തണ്ടാശ്ശേരി അധ്യക്ഷത വഹിച്ചു. സിനിമ നിർമ്മാതാവ് ആന്റണി പെരുമ്പാവൂർ മുഖ്യാതിഥിയായിരുന്നു. ജനറൽ കൺവീനർ അനിൽ പുളിക്കൽ ആമുഖപ്രഭാഷണം നടത്തി. ഉണ്ണികൃഷ്ണൻ തൈപ്പറമ്പത്ത്, വി.ഡി. സന്ദീപ്, എ.എൻ. സിദ്ധപ്രസാദ്, സാജിദ് സെൻട്രൽ, സി.ആർ. രാജൻ, വി.ഡി. സന്തോഷ്, കെ.കെ. രാജേഷ്, ഐ.ഡി. അനീഷ്, പി.കെ.കൃഷ്ണകുമാർ എന്നിവർ പങ്കെടുത്തു.
