News One Thrissur
Updates

ട്രാഫിക് ഡ്യൂട്ടിക്കിടെ ഹോംഗാർഡിന്റെ കൃത്യനിർവഹണം തടസ്സപ്പെടുത്തിയ കേസ്: രണ്ട് പേർ അറസ്റ്റിൽ

ചേർപ്പ് : പാലക്കൽ സെന്ററിൽ റോഡ് പണി നടത്തുന്ന സ്ഥലത്ത് ട്രാഫിക് ഡ്യൂട്ടിയിലുണ്ടായിരുന്ന ഹോംഗാർഡിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയ കേസിൽ രണ്ട് പ്രതികൾ അറസ്റ്റിലായി. കരുവന്നൂർ   കൊച്ചാത്ത് വീട്ടിൽ  സോഹിൻ (35), കോഴിക്കോട് തോടന്നൂർ നിധിലാലയം വീട്ടിൽ നിഖിൽ (38) എന്നിവരെയാണ് ചേർപ്പ് പോലീസ് അറസ്റ്റ് ചെയ്തത്.
ഇക്കഴിഞ്ഞ 20ന് പാലക്കൽ സെന്ററിൽ വാഹനങ്ങൾ നിയന്ത്രിച്ചുകൊണ്ടിരുന്ന ചേർപ്പ് പോലീസ് സ്റ്റേഷനിലെ ഹോംഗാർഡ് ഹരിദാസി (61) നെ കാറിലെത്തിയ പ്രതികൾ തടഞ്ഞുനിർത്തി ചോദ്യം ചെയ്ത് ഔദ്യോഗിക കൃത്യനിർവഹണം തടസ്സപ്പെടുത്തുകയായിരുന്നു. ചേർപ്പ് പോലീസ് സ്റ്റേഷനിൽ നിന്ന് കൂടുതൽ പോലീസെത്തിയാണ് പ്രതികളെ അറസ്റ്റ് ചെയ്തത്.
സോഹിൻ ഇരിങ്ങാലക്കുട ചേർപ്പ് പോലീസ് സ്റ്റേഷൻ പരിധികളിലായി രണ്ട് വധശ്രമക്കേസുകളിൽ പ്രതിയാണ്.
ചേർപ്പ് സിഐ കെ. എൻ മനോജ്, എസ് ഐ മൗഷമി, എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതികളെ അറസ്റ്റ് ചെയ്തത്

Related posts

കാട്ടൂർ പൊഞ്ഞനം ക്ഷേത്രത്തിൽ കവർച്ച.

Sudheer K

പത്മാവതി അന്തരിച്ചു.

Sudheer K

ഷാജു അന്തരിച്ചു.

Sudheer K

Leave a Comment

error: Content is protected !!