വാടാനപ്പള്ളി: പൊക്കാഞ്ചേരി ഫസൽ നഗർ ബീച്ചുകളിൽ കടൽ ഇരമ്പി. നിരവധി വീടുകളിലേക്ക് വെള്ളം കയറി. സീവാൾ റോഡിന് മുകളിലൂടെയാണ് തിരയടിച്ച് വെള്ളം കയറുന്നത്. അടിയന്തിരമായി കരിങ്കല്ലടിച്ചില്ലെങ്കിൽ റോഡ് ഒലിച്ചു പോകുമെന്ന നിലയിലാണ്. തെങ്ങുകളും കടപുഴകി. വേലിയേറ്റ സമയത്താണ് വെള്ളം കയറുന്നത്. ഇനിയും കടലാക്രമണം ശക്തമായാൽ വീടുകൾ നിലംപൊത്തുന്ന അവസ്ഥയാണ്. കടലാക്രമണം രൂക്ഷമായതോടെ കടലോര നിവാസികൾ ഭീതിയിലാണ്.
